📘Part 3"Ek IP, 100 Shak..."
Part 3
"Ek IP, Sau Shak..."
Maths ka period chal raha tha.
Tabhi peon ne class me aake kaha:
Peon: “Sir, aapko staff room bulaya gaya hai. Emergency hai.”
Sir substitution teacher the — wahi, jinka kabhi 10th me Vivhhan ne Instagram prank me hack kiya tha.
Wo turant bhaag ke gaye. Kuch der baad wapas aaye, aankhon me shak tha.
Unhone seedha Vivhhan ko dekha:
Sir: “Tumne kiya hai na sab kuch?
Teachers ka data, login… sab hack?”
Vivhhan ne bas itna kaha:
Vivhhan: “Sir… maine kisi ka account login nahi kiya.
Data tha, par maine use nahi kiya.
Na kisi ko diya. Na maine woh email bheji.”
Sir kuch pal chup rahe… fir uski aankhon me doubt ke saath thoda bharosa bhi tha.
---
🧠 Sir Ka Bharosa… Aur Andar Ki Uljhan
> "Yeh wahi ladka hai jiske paas mera password tha... fir bhi usne kuch nahi kiya.
Toh ab kyun karega?"
Sir ne soch kar kaha:
Sir: “Ek chance chahiye? Toh chalo mere saath…”
---
🧍♂️ Class Ka Reaction
Sir ne sabke saamne kaha:
Sir: “Vivhhan, mere saath aao.”
Puri class me chuppi chha gayi.
Kisi ne kaha:
Classmates :“Pakda gaya na. Pehle Insta hack kiya tha, ab pura school!”
Vivhhan chup raha.
Bas itna socha:
Vivhhan: “Jab maine kuch galat nahi kiya...
Toh sach dhoondhne ka haq sirf mera hai.”
---
💻 Staff Room Mein System Access
Sab teachers aur IT staff shocked the — ek 12th class ka ladka unke saamne school system access karega?
Vivhhan ne request ki:
Vivhhan:“Sir, please... mujhe woh email system dikhaiye.”
---
🔍 Email Forensics Begins
Vivhhan ne turant email header check kiya:
From: admin@schoolsystem.info
Received: from 117.1xx.143.xx
---
🧑💻 Step 1: Domain Lookup
Terminal me likha:
whois schoolsystem.info
Result:
Vivhhan : “Domain 2 din pehle register hua.
Fake domain hai. Kisine sirf spoof email bhejne ke liye banaya.”
Vivhhan ne IT teachers ki taraf dekha:
Vivhhan:“Yeh real school domain nahi hai. Sirf naam milta julta hai.”
---
🔁 Step 2: Reverse DNS Lookup
Usne IP trace kiya::
traceroute 117.1xx.143.xx
Aur dekha:
Vivhhan “Sir… yeh IP hamare school ke BSNL fiber Wi-Fi ka hai.”
Principal shocked:
Vivhhan :“Toh matlab hacker andar se hi hai?”
---
🧠 Sir Ne Poocha:
Principal sir:“Toh ab pata kaise chalega kisne kiya?”
Vivhhan ne calmly bola:
Vivhhan: “Sir, IP toh shared hai. Is network se staff, students, sab judte hain.
Lekin agar mujhe us waqt ke active devices ki list mil jaaye —
toh main MAC address ya device fingerprint trace kar sakta hoon.”
---
🧍♂️ Principal ne doubt se poocha:
Principal: “Tumhe pata bhi hai ye sab karna kaise?”
Vivhhan ne aankhon me aankhon daal kar jawab diya:
Vivhhan: “Sir, mujhe hack karna nahi…
Sach dhoondhna aata hai.”
"...aur sir, agar baat kisi aur ki hoti... to main chhod deta.
Lekin is baar ilzaam mere upar laga hai.
Jisne bhi kiya hai, main use chhodunga nahi."
TO BE CONTINUE......
#HackNaama #HackingStory #PhishingAlert #CyberOrigin
---
Comments
Post a Comment